Kidung Manusa Yadnya: Kawitan Tantri

 

LINTANG TRANGGANA -

1.Wuwusēn Bhupati,

Ring Patali nagantun,

Subaga wirya siniwi,

Kajrihing sang para ratu,

Salwaning jambu warsadi,

Prasamātũr kembang tawon

2.Tuhu tan keneng api

Pratapa sang Prabu,

Kesyani ruktya sajnyari,

Sawyakti yan hari Wisnu,

Nityang de hulaping ari,

Çridara patra sang katong

3.Wetning raja wibhawa

Mas mani penuh,

Makinda yutaning bahudanda

Çri Narendra Çri Singhapati,

Hujaring Mpu Bhagawanta,

Ridenira pancanana,

Bratang kapancasyan,

Hatur Hyang Dharma

Nurageng bhuh.

4.Kading kreta yuga

Swapurneng nagantun,

Kakwehan sang yati,

Sampun sama jayendrya,

Weda tatwa wit,

Kantinen de Çri Narendra,

Nityasa ngruci tutur,

Tan karaseng wiku hapunggung,

Wyara brantajnya jugul.

DEMUNG SAWIT

(bawak-dawa)

1.Tuhwatut bhiseka Nrapati,

Çri Eçwarya dala,

Dala Kusuma patrang lung,

Eçwarya raja laksmi,

Sang kula hamenuhi rajya,

Kwehing bala diwarga

Mukya sira Kryan Patih,

Sang Niti Bandeçwarya patrārum.

2.Nityaca angulih ulih amrih,

Sutrepting nagara,

Lan sang para dimantrya,

Tuhu widagda nglus bhumi,

Susandi tinut rasaning aji,

Kutara manawa mwang sastra

Sarodreti matangyan

Tan hanang baya kewuh.

3.Pirang warsa Çri Nrapati Çwaryadala,

tustãngering sana kalang diwa rahayu,

Çri Narapati Lagya gugulingan ring taman,

Ring yaça ngurddha hangunggul,

Yaya miçreng tawang,

Tinumpyatak inukir,

Kamala kinanda kanda,

Langu hinupacareng santun.

4.Mangemiyat kalangen ikang nagara,

Tiçoba awiyar Indra Bhawana nurun,

Kweh tang pakwana titip,

Pada kabhinawa,

Dening sarwendah linuhung

Liwar sukanikang wong,

hanamtami kaapti,

harumpukan sari sama

angrangsuk bhusananeka marum.

5.Sakuwu kuwu mangkin suka,

Ramya mahotsawa,

Munyang tabe tabehan

Sinamening gending curing,

linawu wina kinidungan

Swapitaning ratna wadhu,

Lagya nawung rasmi, Sinang

yoga dening yayah indung.

6.Hentryarsa Çri Bhupati Mulat,

Wilaçanikang wwang,

Sajalwistyarsa handulur,

Kadangnya nawung ragi,

Ramya sopacara langu,

Tut marga amijamijah,

Wruh Çri Maha Bhupati,

Nora suka madani sinawung.

7.Tan koningeng ratri henjing

Çri Narendra wus ira asnana,

Mentas asalin kampuh petak

Halus botlor açri,

Tekaning sabuk waja bresih

Panwahwa susur,

Lumekas amuja,

Munggwing maharidanti,

Ryagraning wukir-wukiran,

kinusa ring wekuntang dekung.

8.Wruh sireng tatwa samadhin

Deha çudha, sanustana

Sanghyang Sopakaranya

Huwus, nangarasmerti

Tumuli mijil Çri Narendra,

Sampun angrangsuk kaprabun,

Hadikara abhra sumunu urnabhugaçri,

Tuhu sang Çri Haridara,

Penuh tang mas manikeng bapuh.

GINADA

1.Saraswati Dewi Jnana

Dewi pamrastistha yukti

Niki bhaktane mapandes

Mangda sami nemu rahayu